Strategiya va tahlil bo‘limi
Strategiya va tahlil bo‘limi universitetning strategik rivojlanish yo‘nalishlarini belgilash, rivojlanish dasturlarini ishlab chiqish, faoliyat samaradorligini tahlil qilish hamda ma’lumotlarga asoslangan boshqaruv qarorlarini qo‘llab-quvvatlashga xizmat qiladi.

Bo‘lim universitetning strategik maqsad va vazifalarini monitoring qilish, asosiy samaradorlik ko‘rsatkichlari (KPI)ni shakllantirish va tahlil qilish, ichki va tashqi ko‘rsatkichlar bo‘yicha tahliliy ma’lumotlar tayyorlash, xalqaro reytinglar va akkreditatsiya jarayonlari uchun zarur ma’lumotlarni tizimlashtirish bilan shug‘ullanadi.

Shuningdek, bo‘lim hududiy va ijtimoiy-iqtisodiy rivojlanish jarayonlarini o‘rganish, universitetning hudud bilan hamkorligini rivojlantirish, istiqbolli loyihalarni aniqlash va strategik tashabbuslarni ishlab chiqishda ishtirok etadi.
Bo‘limning asosiy maqsadi — universitetning barqaror va raqobatbardosh rivojlanishini ta’minlash, tahliliy ma’lumotlar asosida samarali boshqaruv qarorlarini qo‘llab-quvvatlash hamda universitetning milliy va xalqaro maydondagi nufuzini oshirish.

Bo'lim nizomi

Strategiya va tahlil boʻlimi toʻgʻrisida NIZOM